U Navahrudku, pieršaj stalicy VKŁ, źjavicca pomnik Mindoŭhu. Nakolki chutka — zaležyć ad nieabyjakavych biełarusaŭ, piša Tut.by
Na dadzienym etapie patrabujecca sabrać 22 tysiačy rubloŭ.
Rašeńnie ab stvareńni pomnika było pryniata Navahrudskim rajvykankamam jašče ŭ 2012-m. U tym ža hodzie adbyŭsia konkurs eskiznych prajektaŭ, na jakim pieramahli biełaruskija skulptary Siarhiej Bandarenka i Pavieł Łuk. Jany pavinny byli praciahnuć sumiesnuju pracu nad pomnikam. Ale sumiesnaja praca tak i nie pravodziłasia.
Prajšło šeść hadoŭ, i ŭ 2018-m rašeńniem dvuch mastacka-ekśpiertnych savietaŭ (Hrodzienskaha abłasnoha i Respublikanskaha) pieramožcam byŭ nazvany Siarhiej Bandarenka.
Pomnik płanujecca ŭstalavać za pazabiudžetnyja srodki. Tamu Navahrudski rajvykankam adkryŭ dabračynny rachunak u banku. Pa stanie na 23 maja 2019-ha było sabrana 14 285,89 rubla. Z hetaj sumy 10 tysiač rubloŭ było vypłačana Bandarenku za stvareńnie eskiznaha prajekta.
Druhi etap - vyrab rabočaj madeli pomnika Mindoŭhu, jakuju nieabchodna padać na Respublikanski mastacka-ekśpiertny saviet. Papiaredni košt madeli — 26 tysiač rubloŭ. Pakolki na rachunku zastałosia 4 285,89 rubla, nieabchodna sabrać jašče amal 22 tysiačy.
Paśla zaklučeńnia mastacka-ekśpiertnaha savieta pačnucca budaŭniča-mantažnyja raboty pa ŭźviadzieńni pomnika.
***
Sponsarski rachunak
Adździeł kultury Navahrudskaha rajvykankama.
UNP 500 031 377 ŭ CBP № 416 h. Navahrudak f-ł № 413 AAT «ASB Biełarusbank» h. Lida.
BIK AKBBBY21413.
BY72AKBB36425210006224200000
(Z paznakaj «Na vyrab pomnika Mindoŭhu»)