Fota z sajta uefa.com
Zbornaja Partuhalii vyjhrała novy futbolny turnir Liha nacyj.
Usie zbornyja byli padzielenyja na čatyry dyvizijony A, B, S, D.
A — najmacniejšy dyvizijon, jon byŭ padzieleny na čatyry hrupy, turnir u hrupach vyjhrali zbornyja Partuhalii, Niderłandaŭ, Anhlii i Šviejcaryi.
Finał čatyroch i prajšoŭ u Partuhalii, u finalnym matčy ŭ niadzielu Partuhalija pieramahła Niderłandy ź likam 1:0. Adziny hoł zabiŭ Hansału Hiedeš.
Zbornaja Anhlii zavajavała treciaje miesca, adoleŭšy šviejcarcaŭ pa pienalci.
Biełaruś hulała ŭ dyvizijonie D — dla samych słabych kamandaŭ, atrymała pavyšeńnie ŭ S. I hałoŭnaje, mahčymaść, pazmahacca za pucioŭku na čempijanat Jeŭropy — 2020.
Matčy dla ščaśliŭčykaŭ u D projduć u sakaviku nastupnaha hoda. Biełaruś hulaje z Hruzijaj. Pieramožca zhulaje ź pieramožcam matča Kosava — Paŭnočnaja Makiedonija. I voś užo pieramožca hetaha druhoha matča atrymaje pucioŭku na Jeŭra-2020
