Premjer-ministr Biełarusi nakiravaŭsia z rabočym vizitam u Vialikabrytaniju, piša BiełTA.

Siarhiej Rumas voźmie ŭdzieł u Dni rynkaŭ kapitału Biełarusi (Belarus Capital Markets Day), jaki projdzie siońnia na Łondanskaj fondavaj biržy. Prahramaj pracoŭnaha vizitu taksama praduhledžany pieramovy kiraŭnika ŭrada z kiraŭnictvam Łondanskaj fondavaj biržy, najbujniejšych inviestycyjnych bankaŭ i fondaŭ.

Na 11 červienia ŭ Siarhieja Rumasa ŭ Łondanie zapłanavany šerah sustreč, u tym liku z kiraŭnictvam Jeŭrapiejskaha banka rekanstrukcyi i raźvićcia, Ministerstva zamiežnych spraŭ i Ministerstva zamiežnaha handlu.

Vialikabrytanija źjaŭlajecca adnym z asnoŭnych handlovych partnioraŭ Biełarusi. Apošnija niekalki hadoŭ jana ŭstojliva zajmaje treciaje miesca pa eksparcie biełaruskich tavaraŭ. Praŭda, asnoŭnuju dolu ŭ eksparcie zajmajuć biełaruskaja nafta i naftapradukty, a Brytanija — tolki miesca rehistracyi kampanij-pasiarednic u ich prodažy.

Клас
0
Панылы сорам
0
Ха-ха
0
Ого
0
Сумна
0
Абуральна
0