Pravaachoŭnyja struktury Biełarusi pavinny harantavać biaśpieku hramadzian padčas II Jeŭrapiejskich hulniaŭ, adnak dziejničać biez praźmiernaściaŭ. Na heta Alaksandr Łukašenka źviarnuŭ uvahu ŭ čas rabočaj sustrečy ź ministram unutranych spraŭ Iharam Šunievičam, pieradaje BiełTA.

Kiraŭnik dziaržavy pacikaviŭsia, jak składvajecca apieratyŭnaja abstanoŭka ŭ krainie, asabliva zakranuŭšy padrychtoŭku MUS da II Jeŭrapiejskich hulniaŭ.

«Mianie naściarožvaje, što my, časam nie dumajučy, u płanie pierastrachoŭki abo jašče čahości pačynajem stvarać nie toje «kancłahiery», nie toje niejkija «hieta» ŭ Biełarusi. Siońnia hladžu: da prajeznaj častki vystavili padmurkavyja błoki — čytaj, budziem ustaloŭvać mietaličnyja płaty ŭ rajonie fanzony.

Heta nam navošta? Tamu za miežy piešachodnaha tratuara nichto nie musić vyłazić z hetymi płatami, i jany pavinny być cyvilizavanymi. My siońnia nie ŭ Siryi, nie ŭ Livii, i ŭ nas nie Irak, kab usio heta rabić.

Jon skazaŭ, što biaśpiecy hramadzian pavinna nadavacca vialikaja ŭvaha, adnak harantavać jaje treba «biez płatoŭ». «Ja viedaju, što heta prapanovy jeŭrapiejskich čynoŭnikaŭ. Treba im prosta kazać, što my harantujem biaśpieku pryjezdžych i svaich hramadzian bieź ich. My heta ŭžo rabili. Nie treba pieratvarać Minsk na hety čas u sistemu niejkich płatoŭ. Rabicie tak, jak prosić Sivak (mer horada). Ja jamu i Kačanavaj (kiraŭnik Administracyi prezidenta) daručyŭ niepasredna na abjektach zaniacca hetym pytańniami biez praźmiernaściaŭ. Paprosiać zrabić — rabicie. Ale jany niasuć za heta adkaznaść», - adznačyŭ kiraŭnik dziaržavy.

Niachaj heta robiać u krainach demakratyi: u Francyi, Hiermanii, Amierycy. A ŭ nas hetaha rabić nie treba: my pavinny pracavać tak, kab ludzi mahli volna kantaktavać u pieryjad Jeŭrapiejskich hulniaŭ i paśla. Heta značyć, praźmiernaściaŭ nie pavinna być», — padkreśliŭ Alaksandr Łukašenka.

Клас
0
Панылы сорам
0
Ха-ха
0
Ого
0
Сумна
0
Абуральна
0