Amierykanskaja aktrysa i śpiavačka Sielena Homies stała samaj papularnaj karystalnicaj Instagram pa kolkaści łajkaŭ ad realnych karystalnikaŭ.

Daśledavańnie praviali ekśpierty płatformy Hype Auditor, jakaja vyznačaje stupień uciahnutaści karystalnikaŭ: prahrama adsiejvaje falšyvych padpisčykaŭ znakamitaściaŭ i vyjaŭlaje kolkaść realnych. Zatym hetyja dadzienyja pradastaŭlajucca klijentam dla pryniaćcia rašeńnia ab raźmiaščeńni rekłamy na asnovie suadnosin cana-jakaść.

Homies nie źjaŭlajecca lidaram pa kolkaści padpisčykaŭ (151 miljon čałaviek), adnak kožnaja jaje fatahrafija ŭ siarednim nabiraje 4,6 miljona łajkaŭ.

U Hype Auditor taksama vyśvietlili, što 58 pracentaŭ jaje padpisčykaŭ — žančyny, 14 pracentaŭ — žychary Indyi.

Na druhim miescy ŭ hetym rejtynhu apynułasia samaja maładaja miljarderša ŭ śviecie Kajli Džener. U jaje — 137 miljonaŭ Instagram-fanataŭ, a kožnaja publikacyja nabiraje 3,6 miljona łajkaŭ.

Treciaje miesca zaniaŭ Kryšcijanu Ranałdu. Niahledziačy na ​​toje što na futbalista padpisanyja 170 miljonaŭ čałaviek, u siarednim jon atrymlivaje tolki 2,8 miljona łajkaŭ pad kožnym zdymkam.

Za Ranałdu idzie Lijanel Miesi (za 126 miljonaŭ padpisčykaŭ i 2,4 miljona łajkaŭ), a na piatym miescy apynułasia R'n'B-vykanaŭca Biejonsie: z 128 miljonaŭ jaje padpisčykaŭ tolki 2,3 miljona staviać joj łajki.

Клас
0
Панылы сорам
0
Ха-ха
0
Ого
0
Сумна
0
Абуральна
0