unsplash.com

unsplash.com

Niekalki abanientaŭ velcom | A1 źviarnulisia ŭ 42.tut.by z prablemaj: pa słovach karystalnikaŭ, na ich smartfony Huawei pryjšło vializnaje pa abjomie abnaŭleńnie prašyŭki, jakoje zahruziłasia pa mabilnym internecie. Z-za hetaha abanienty «syšli ŭ minus» na vielmi adčuvalnyja sumy.

Pa słovach adnaho z paciarpiełych, pamier abnaŭleńnia skłaŭ cełych 50 HB, jano zahruziłasia praz mabilny internet, a nie pa Wi-Fi. Z-za hetaha bałans jaho rachunku skłaŭ minus 80 rubloŭ. Mužčyna źviarnuŭsia ŭ velcom | A1. Tam jamu adkazali, što prablema — na baku vytvorcy smartfona i što apieratar na dadzieny momant zrabić z hetym ničoha nie moža.

Mužčyna taksama śćviardžaje, što padobny vypadak adbyŭsia i sa smartfonam Huawei jaho žonki, jaki nieprykmietna «źjeŭ» kala 7 HB trafiku praz mabilny internet. U inšaha abanienta takim čynam vykarystoŭvałasia 12 HB mabilnaha trafiku, na što taksama syšło 80 rubloŭ.

U jašče adnoj čytački z-za zboju asabisty rachunak i zusim apynuŭsia «ŭ minusie» na 680 rubloŭ. Dziaŭčyna źviarnułasia da apieratara, ale tam joj ničoha novaha nie adkazali: situacyja masavaja, ź joj sutyknulisia i inšyja ŭładalniki smartfonaŭ Huawei. Chutčej za ŭsio, prablema na baku vytvorcy hadžeta.

Na forumie 4PDA heta paćvierdzili i inšyja karystalniki (nie tolki ź Biełarusi): u niekatorych za noč «syšło» pa 51 HB trafiku, pryčym nie tolki na smartfonach Huawei, ale i niekatorych inšych kitajskich brendaŭ — naprykład, Lenovo.

Što kažuć u velcom | A1

Pradstaŭniki velcom | A1 zajavili, što kampanija «paćviardžaje fakt rehistracyi rezkaha rostu spažyvanaha trafiku, źviazanaha z abnaŭleńniami apieracyjnaj sistemy, na smartfonach peŭnych madelaŭ niekatorych vytvorcaŭ, na jakich ustanoŭleny staryja viersii AS Android».

«U dadzieny momant pa zapycie velcom | A1 śpiecyjalisty kampanij-pastaŭščykoŭ vyśviatlajuć akaličnaści situacyi. Da vyśviatleńnia pryčyn z boku vytvorcaŭ abanientam velcom | A1, jakija sutyknulisia z prablemaj rezkaha skačka spažyvanaha trafiku, rekamiendujecca adklučyć funkcyju pieradačy mabilnych dadzienych abo pieravieści smartfon u režym Wi-Fi», — dadali ŭ kampanii.

U čym moža być prablema?

Z čym źviazana prablema, pakul dakładna nie viadoma. Karystalniki forumu na 4PDA miarkujuć, što zboj moh adbycca na baku karystalnckaha interfiejsu EMUI na aparatach z Android piataj viersii.

Клас
0
Панылы сорам
0
Ха-ха
0
Ого
0
Сумна
0
Абуральна
0