10 červienia ministr unutranych spraŭ Ihar Šunievič pakinuŭ svaju pasadu. Jon uznačalvaŭ MUS až 7 hadoŭ. Imia nastupnaha kiraŭnika jašče nieviadomaje.

Pakul što funkcyi ministra lahuć na plečy Ivana Padhurskaha, pieršaha namieśnika Šunieviča.

Padhurskamu 54 hady, jon načalnik kryminalnaj milicyi (darečy, z hetaj pasady pierasieŭ u ministerskaje kresła i sam Šunievič u 2012 hodzie).

Rodam Ivan Padhurski z Klimavickaha rajona Mahiloŭskaj vobłaści.

U 1993 hodzie skončyŭ Akademiju MUS. U sistemie orhanaŭ unutranych spraŭ zajmaŭ roznyja pasady: byŭ kamandziram uzvoda milicyi adździeła pazaviedamasnaj achovy, u 2011 hodzie byŭ pryznačany načalnikam upraŭleńnia ŭnutranych spraŭ na transparcie, a praz dva hady ŭznačaliŭ Departamient zabieśpiačeńnia apieratyŭna-vyšukovaj dziejnaści MUS.

Pieršym namieśnikam ministra i kiraŭnikom kryminalnaj milicyi jon staŭ u 2016 hodzie. U 2017 atrymaŭ zvańnie hienierał-majora.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?