Prakuratura Savieckaha rajona Minska raspačała kryminalnuju spravu suprać 33-hadovaj minčanki, jakaja ŭdaryła kubkam pa hałavie svajho 17-hadovaha syna.

Maci i syn pražyvajuć u adnoj kvatery sumiesna z babulaj. U toj dzień u haściach u chłopca była jaho dziaŭčyna. Pamiž maci i synam adbyŭsia kanflikt, pryčynu jakoha padazravanaja tak i nie zmahła ŭspomnić. Žančyna była pjanaj. Maci naniesła synu dva ŭdary kubkam u vobłaść hałavy, čym naniesła cialesnyja paškodžańni.

Paśla kanfliktu paciarpieły adpraviŭsia da susiedki, dzie jamu i vyklikali chutkuju dapamohu. Chłopca advieźli ŭ balnicu, jon prachodziŭ lačeńnie.

Prakuratura źviarnuła ŭvahu na toj fakt, što paciarpieły znachodzicca ŭ zaležnym stanoviščy ad maci i z-za ŭzrostu nie zdolny samastojna abaranić svaje pravy i zakonnyja intaresy.

Prakuratura nakiravała spravu ŭ Saviecki rajonny adździeł Śledčaha kamiteta.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?