Bresckija pahraničniki ŭ rajonie nasielenaha punkta Hałačova niedaloka ad biełaruska-polskaj miažy zatrymali dvuch mužčyn, jakija pasprabavali schavacca, paviedamlaje Dziaržpahrankamitet.

25-hadovy bieraściejec i 29-hadovy žychar Biała-Padlaski sprabavali pierapravić cieraz Zachodni Buh bujnuju partyju cyharet — nie mienš za 15 korabaŭ. Tytuniovyja vyraby pavinny byli trapić u Polšču praz pamiežnuju raku na aŭtamabilnych kamierach. Parušalnikaŭ zatrymali pamiežniki, pry hetym biełarus akazaŭ aktyŭnaje supraciŭleńnie pamiežnamu naradu.

U dačynieńni da mužčyn raspačaty administracyjny praces pa st.23.29 (niezakonnaje pierasiačeńnie miažy) KoAP Biełarusi, a suprać hramadzianina Polščy — jašče i pa st.23.55 (parušeńnie praviłaŭ znachodžańnia). Bieraściejca mohuć pryciahnuć da adkaznaści i pa č.1 st.366 (hvałt albo pahroza ŭ dačynieńni da słužbovaj asoby) KK Biełarusi. Jamu pahražaje da 5 hadoŭ pazbaŭleńnia voli.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?