U rajonie vioski Vilča Žytkavickaha rajona ŭzdymajecca ŭzrovień vady ŭ race Słuč. Heta prytok Prypiaci, a sama Prypiać ciače na adlehłaści kala 5 km.
Pra heta paviedamlaje adzin ź biełaruskich telehram-kanałaŭ.
Hetu infarmacyju «Našaj Nivie» paćvierdziŭ staršynia Ludzianievickaha sielsavieta Juryj Vołčyk.
«Rečka tam poŭnaja, vada padymajecca. Pryčyny ja nie viedaju. Ja ŭčora śpiecyjalna da raki padjechaŭ, ale tady jana jašče ź bierahoŭ nie vyjšła. Načalnik MNS dakładvaŭ, što ŭzrovień nadalej padymajecca. A adkul pryjšła, chto viedaje. Moža być, pa Prypiaci z Ukrainy», — raskazaŭ Vołčyk.
Aficyjny pradstaŭnik MNS Vital Navicki ŭ kamientary «Našaj Nivie» paviedamiŭ, što ad arhanizacyj ci žycharoŭ zhadanaha rajona skarhaŭ na ŭzdym vady nie pastupała.
