Fota Nadziei Bužan
U chutkim časie apłacić prajezd u hramadskim transparcie Minska i ŭ ciahnikach haradskich linij možna budzie virtualnym prajaznym. Pra heta paviedamiŭ siońnia žurnalistam dyrektar techničnaha adździaleńnia IBA Group Vadzim Smatrajeŭ, piša BiełTA.
Śpiecyjalist kanstatavaŭ najaŭnaść cikavaści da virtualnych prajaznych biletach jak z boku pasažyraŭ, tak i ŭ pieravozčykaŭ — «Minsktransa», mietrapalitena, Biełčyhunki.
«Cikavaść da doŭhaterminovych prajaznych jość. My viadziem pieramovy ź mietro i BČ pa raźvićci technałohij apłaty bankaŭskimi kartami, — raspavioŭ Vadzim Smatrajeŭ. — U dadzieny momant zajmajemsia raspracoŭkaj technałohii tak zvanaha virtualnaha prajaznoha».
U ciapierašni čas apłata bieskantaktavaj bankaŭskaj kartaj mahčymaja pry pajezdcy ŭ mietro, na haradskich linijach BČ i tramvai 6-ha maršrutu ŭ Minsku. Da kanca hoda płanujecca ŭdaskanalić technałohiju. Stanie mahčymaja apłata pa dyfierencyravanych taryfach. U hetym vypadku pasažyr dla apłaty pavinien budzie prykłaści kartu da validatara jak u pačatku pajezdki, tak i pierad vychadam.
U vyniku sistema zdymie apłatu pa fakcie praroblenaha šlachu. Kali pasažyr nie prykładzie kartu paśla zakančeńnia pajezdki, ź jaho karty śpišuć apłatu pa maksimalnamu taryfie. Nastupnym krokam u raźvićci technałohij apłaty prajezdu, pa słovach Vadzima Smatrajeva, stanie ŭkaranieńnie virtualnych prajaznych biletaŭ dla šmatrazovych pajezdak na lubych vidach transpartu.
Miarkujecca, što nabyć taki prajazny možna budzie praz kasy abo ŭ asabistym kabiniecie na sajcie payBYcard. Čakajecca taksama pradastaŭleńnie skidak na prajezd dla ŭładalnikaŭ takich prajaznych. Usie hetyja prajekty byli realizavany pry padtrymcy BPS-Śbierbanka.
