Samaje vialikaje hrafici ŭ Jeŭropie źjaviłasia na dachu Vystavačnaha paviljona ŭ Paryžy. Fota Ludovic Delage / Objectif Aero / AFP
U Paryžy na dachu paviljona vystavačnaha centra źjaviłasia samaje vialikaje hrafici ŭ Jeŭropie, pieradaje RFI. Francuzskija mastaki z Sent-Ećjena Eła i Pitr, jakija pracujuć u žanry stryt-arta, namalavali pažyłuju, achoplenuju emocyjami, francuzskuju zaŭziatarku.
Ubačyć malunak možna z dachu paviljona numar 7. Jak raspaviadaje dyzajnier prajekta Aliŭje Łandes, kiraŭnik kalektyvu Art en Ville, da jaho źviarnuŭsia pradstaŭnik vystavačnaha centra, jaki adkazvaje za prahramu madernizacyi centra da Alimpijskich hulniaŭ 2024 hoda.
Dla vykanańnia prajekta Łandes abraŭ dach paviljona numar try, na zadnim płanie jakoha vidać panarama ŭsiaho Paryža, uklučajučy Ejfielevu viežu.
Fota: bfmtv.com
Vielizarnaja płošča dachu (roŭnaja pa pamiery čatyrom futbolnym palam) prymusiła Łandesa źviarnucca da tandemu Eła i Pitr, jakija ŭžo raniej rabili hrafici vializnaha pamieru. Spatrebilisia vosiem dzion i sotni litraŭ farby — Eła i Pitr pabili ułasny rekord, ustalavany ŭ 2015 hodzie ŭ Narviehii.
Sam Aliŭje Łandes ličyć, što pa žanry hety tvor «znachodzicca na pałovie šlachu» ad hrafici da łend-arta, bo arhanična ŭpisvajecca ŭ navakolny łandšaft.