«Harantavańnie biaśpiečnaha i pazytyŭnaj asiarodździa ŭ prykładańni dla karystalnikaŭ TikTok ŭ Rasiei źjaŭlajecca našym hałoŭnym pryjarytetam, i my pastajanna robim zachady dla abarony ad złoŭžyvańniaŭ. My kłapocimsia ab supolnaści TikTok, jakaja pastajanna raście, tamu my taksama abaviazujemsia vykonvać miascovyja zakony i praviły i supracoŭničać z adpaviednymi orhanami ŭłady i arhanizacyjami», — havorycca ŭ paviedamleńni.
13 červienia kiraŭnik Roskomnadzoru Alaksandar Žaraŭ paviedamiŭ, što viedamstva planuje u 2019 hodzie pravieryć sacsietku TikTok na adpaviednaść rasiejskamu zakanadaŭstvu.
TikTok — papularnaja ŭ moładzi sacsietka, jakaja dazvalaje stvarać karotkija muzyčnyja videa, pramyja efiry i abmieńvacca paviedamleńniami. U lutym 2019 hodu kolkaść spampoŭvańniaŭ prahramy va ŭsim śviecie pieravysiła 1 miljard. Jadro karystalnikaŭ — padletki 12-18 hadoŭ.
Ułady šerahu krain vystavili sacsietcy pretenzii. Tak, u krasaviku ŭ Indyi sud nakłaŭ zabaronu na TikTok, vyrašyŭšy, što jana zaachvočvaje pedafiliju i raspaŭsiud parnahrafii, praŭda, zabarona była źniataja paśla vydaleńnia peŭnaha kantentu. U ZŠA sacsietka była aštrafavanaja za parušeńnie zakonu ab abaronie pryvatnaści dziaciej u Internecie.