Ministry enierhietyki i ekałohii G20 na naradzie ŭ japonskim horadzie Karuidzava damovilisia ab stvareńni mižnarodnaj struktury, nakiravanaj na skaračeńnie abjomaŭ płastykavaha śmiećcia ŭ suśvietnym akijanie. Pra heta paviedamlaje TASS sa spasyłkaj na sumiesnuju zajavu ministraŭ.
Foto Kyodo
Krainy «Vialikaj dvaccatki» pahadzilisia abjadnać namahańni dla skaračeńnia abjomaŭ płastykavaha śmiećcia, a taksama abmieńvacca źviestkami ab dasiahnutych vynikach.
Pavodle źviestak AAN, u śviecie štohod vyrablajecca kala 300 młn ton płastykavaha śmiećcia, pryblizna 8 młn ton ź ich traplaje ŭ suśvietny akijan.
Fota Kyodo
Sustreča ŭ Karuidzavie źjaŭlajecca častkaj padrychtoŭki da samitu «dvaccatki», jaki projdzie 28—29 červienia ŭ horadzie Osaka. Razhladalisia taksama pytańni enierhietyčnaj biaśpieki i stabilnych pastavak vuhlevadarodaŭ.
«Vialikaja dvaccatka» (G20) — kłub uradaŭ i kiraŭnikoŭ centralnych bankaŭ dziaržaŭ z najbolš raźvitaj ekanomikaj. Jaho ŭdzielniki: Aŭstralija, Arhiencina, Brazilija, Vialikabrytanija, Hiermanija, Indyja, Indaniezija, Italija, Kanada, Kitaj, Mieksika, Rasija, Saudaŭskaja Aravija, ZŠA, Turcyja, Francyja, Respublika Kareja, PAR, Japonija i Jeŭrapiejski sajuz.
