Fota: SCANPIX
Desantavańnie vojskaŭ z mora adbyłosia ŭ niadzielu ŭ Litvie ŭ ramkach vajenna-marskich vučeńniaŭ NATA Baltops-2019. Pra heta paviedamiła ministerstva abarony Litvy, piša TASS.
Desantavańnie vykanana paśpiachova. U apieracyi zadziejničany amierykanski desantny karabiel-dok USS Fort McHenry i desantny Gniezno VMS Polščy, a taksama karabli Vialikabrytanii, Litvy i Partuhalii. Vysadka prajšła ŭ rajonie pasiołka Niemirsieta. Dla hetaha prylehłyja ŭčastki na sušy, u marskoj akvatoryi i pavietranuju prastoru nad imi na sutki abviaścili vajennaj terytoryjaj.
U manieŭrach (z 14 červienia častka ich epizodaŭ adbyviecca ŭ Litvie) biaruć udzieł 8,6 tys. vajskoŭcaŭ z 18 krain NATA i partnioraŭ aljansu. Udzielniki Baltops-2019 9—21 červienia adpracoŭvajuć manieŭravańnie ŭ składzie farmiravańniaŭ, kanvajavańnie sudoŭ, baraćbu z padvodnymi łodkami mahčymaha praciŭnika, viaduć stralbu, vykonvajuć zadańni pa supraćpavietranaj i supraćminnaj, antyterarystyčnaj abaronie.
Vučeńni Baltops ŭpieršyniu prajšli ŭ 1971 hodzie. Paśla raspadu SSSR Rasija nieadnarazova brała ŭdzieł u hetych manieŭrach, akcent jakich byŭ źviernuty na adpracoŭku pošukava-vyratavalnych apieracyj. Kali ŭ 2014 hodzie NATA razarvała vajennaje supracoŭnictva z RF, vučeńni pastupova viarnulisia da svaich pieršapačatkovych maštabaŭ i zadač.
