Hramadskaja kulturnickaja kampanija «Budźma biełarusami!» i Nacyjanalny histaryčny muziej (vuł. Karła Marksa, 12) zaprašajuć na letni fest dla dziaciej i darosłych «Vandroŭka ŭ dzivosny sad» u subotu, 29 červienia, a 16-j hadzinie.
Naviedvalnikam prapanujucca premjera hulni-śpiektakla «Chto raście ŭ sadzie?», muzyka, pieśni, viasiołyja konkursy, majstar-kłasy…. A taksama padarunki dla samych aktyŭnych udzielnikaŭ.
Padčas śpiektakla «Chto raście ŭ sadzie» jaho aŭtar Vasil Drańko-Majsiuk razhornie pierad maleńkimi hledačami interaktyŭnuju dzieju: raskaža i pakaža, jakija admietnyja istoty žyvuć u jaho sadzie, ich charaktary, nastroi i pamknieńni. Da prykładu, u sadzie žyvie chitry vusień Mikita, jaki choča… A voś što jon choča daznajucca naviedniki festu. A jašče dzieci daviedajucca, jak adroźnić višniu ad čarešni, hrušu ad jabłyni, kali drevy jašče nie ŭ kviecieni, navučacca abaraniać raśliny ad prahavitaha vusienia. I što važna, dzietki buduć nie tolki hledačami, ale i aktyŭnymi ŭdzielnikami hulni-śpiektakla, padčas jakoha čakajucca aryhinalnyja hulni i niečakanyja vyprabavańni, a nastroj budzie abaviazkova soniečny!
Darosłyja taksama nie buduć abdzielenyja ŭvahaj. Na feście adbudziecca cikavaja i karysnaja sustreča ź psichołaham Natallaj Daniłavaj, jakaja raspaviadzie pra asnoŭnyja pryncypy pazityŭnaha vychavańnia dziaciej i adkaža na pytańni naviednikaŭ.
I pryjemny dadatak: nabyŭšy kvitok na fest, naviedvalniki zajmiejuć mahčymaść jašče i pahladzieć asnoŭnuju ekspazicyju i časovyja vystavy Nacyjanalnaha histaryčnaha muzieja Respubliki Biełaruś.
