Na biźnies-centr BK Capital Palace ŭstanavili hierb sierbskich aliharchaŭ Karyčaŭ, jakim naležyć firma-zabudoŭščyk Dana Holdings. Budynak uźviali na miescy źniesienaha muzieja Vialikaj Ajčynnaj vajny, piša Jeŭraradyjo.
Nadpisy pa bakach ad hierba aznačajuć Braća Karić [braty Karyč] i Capital Palace. Pry hetym na rańnich rendarach nijakaha hierba na frantonie nie było. Prynamsi, na sajcie Dana Holdings malunak biznes-centra biez hierba i jakich-niebudź nadpisaŭ.
Braty Karyčy adny z najbujniejšych deviełapieraŭ u Biełarusi. Ich kampanija Dana Holdings zajmajecca tatalnaj zabudovaj Minska. Za ŭvieś čas dziejnaści ŭ Biełarusi namahańniami Dana Holdings da 2019 hoda było pabudavana i pradadziena bolš za miljon kvadratnych mietraŭ. Byŭ uviedzieny ŭ ekspłuatacyju adzin z najbujniejšych u krainie handlovych centraŭ Dana Mall i biźnies-centr Dana Center. U ciapierašni čas kampanii chołdynha budujuć žyły kvartał «Minsk Śviet» u rajonie byłoha minskaha aeraporta, a taksama žyłyja kompleksy Vogue i «Park Čaluskincaŭ».
