U aŭtorak 25 červienia ŭ Pałacy kultury vieteranaŭ (Janki Kupały, 21) zapłanavana impreza «Dušeŭnyja viečary ź Juryjem Radźkovym». Prachodziać jany ŭ žanry mieładekłamacyi — heta mastackaja dekłamacyja vieršaŭ i prozy ŭ muzyčnym supravadžeńni.

Fiškaj vystupu Radźkova 25 červienia źjaŭlajecca toje, što siarod paetaŭ, jakich jon źbirajecca čytać, paznačany Iosif Stalin. U adnym śpisie z Puškinym, Šekśpiram i Jasieninym.

U Pałacy kultury vieteranaŭ nam paćvierdzili, što kancert na 25 červienia zapłanavany i staić u hrafiku. Sam Radźkoŭ kaža, što jon pieraniesieny na kastryčnik, a jon zajmajecca padrychtoŭkaj filma «Dušeŭnyja viečary».

Vieršy Stalina čytalisia i na papiarednim kancercie «Dušeŭnych viečaroŭ», jaki prajšoŭ 22 maja ŭ Domie Maskvy ŭ Minsku. «Kancert prajšoŭ z pośpiecham», — skazaŭ nam Radźkoŭ.

Sam Juryj Radźkoŭ cikavy piersanaž. U 2015 hodzie jon sprabavaŭ bałatavacca ŭ prezidenty. Na toj momant jon źjaŭlaŭsia kiraŭnikom kampanii «Car-miod» i ładziŭ u Minsku miadovyja kirmašy.

Juryj Radźkoŭ naradziŭsia 12 krasavika 1976. Vyras u dziciačym domie. Byŭ pamočnikam deputata-słavianafiła Siarhieja Kaściana, pracavaŭ u BPSM i BRSM.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?