Navukovy časopis Science razhledzieŭ patencyjnyja pryčyny i nastupstvy niekantralujemaha rostu kolkaści mietanu na našaj płaniecie.

Mietan raskładajecca ŭ atmaśfiery chutčej, čym vuhlakisły haz, ale heta macniejšy parnikovy haz. Pavodle Ahienctva pa achovie navakolnaha asiarodździa ZŠA, malekuła mietanu budzie vyklikać paciapleńnie ŭ 28-36 razoŭ bolš, čym malekuła vuhlakisłaha hazu na praciahu 100-hadovaha pieryjadu. Apošnija danyja pakazvajuć, što kancentracyja mietanu ŭ atmaśfiery ŭzrasła z 1775 čaścic na miljard u 2006 hodzie da 1850 čaścic na miljard u 2017 hodzie.

Navukoŭcy dakładna nie viedajuć, čamu ŭzrovień mietanu raście. Daśledavańnie 2017 hoda prypisvaje prykładna pałovu pryrostu karovam i inšym svojskim žyviołam, jakija vyłučajuć mietan pry pieravarvańni ježy. Jašče adnym faktaram, jaki spryjaje hetamu, moža być toje, što ludzi stali čaściej vykarystoŭvać vykapniovaje paliva, i mienš — bijałahičnaje (draŭnina i h.d.).

Dalejšaje pavyšeńnie tempieratury moža pryvieści da taho, što vodna-bałotnyja ŭhodździ buduć vyłučać bolš mietanu, a źmieny ŭ atmaśfiery mohuć zapavolić chutkaść razbureńnia mietanu.

Клас
0
Панылы сорам
0
Ха-ха
0
Ого
0
Сумна
0
Абуральна
0