Minułaj nočču nie stała muzykanta Leanida Naruševiča, piša Radyjo Racyja.
Leanid Naruševič pačaŭ hrać naprykancy 1980-ch, byŭ čalcom hurtoŭ «Inter» i «Zarcipo», pracavaŭ hukarežysioram na roznych minskich radyjostancyjach.
U 1991-m stvaryŭ ułasny kalektyŭ intuityŭnaj impravizacyi «Kniaź Myškin», ź jakim vystupaŭ da apošnich dzion. Praz hurt prajšli dziasiatki muzykaŭ roznych pakaleńniaŭ, zastalisia dziasiatki studyjnych i kancertovych zapisaŭ. Za čas isnavańnia hurt paśpieŭ vystupić u roznych haradoch Biełarusi, Polščy, Čechii, Litvy dy Rasii, paŭdzielničać u teatralnych pastanoŭkach, telepieradačach i fiestyvalach, zapisaŭ šerah saŭndtrekaŭ dla kino. Ciaham 1990-ch Leanid Naruševič pravodziŭ ułasny fest «Sini Pierac».
0
0
1
0
0
0
