soligorsk-news.by

soligorsk-news.by

Staršyniu Salihorskaha rajvykankama Aleha Paskrobku zatrymali za łabiravańnie intaresaŭ zamiežnaj kampanii ŭ čas jaho raboty pieršym namieśnikam ministra ŽKH. Pra heta TUT.BY paviedamiła Vieranika Paśmiećjeva, staršy opierupaŭnavažany pa asabliva važnych spravach HUBEZ MUS

«Niekalki hadoŭ, zajmajučy pasadu pieršaha namieśnika ministra ŽKH, z karyślivaj i asabistaj zacikaŭlenaści nieadnarazova pieravyšaŭ słužbovyja paŭnamoctvy i atrymlivaŭ ad pradstaŭnika dadzienaj kamiercyjnaj struktury niezakonnyja hrašovyja ŭznaharody. Ich pamier skłaŭ 2 tysiačy jeŭra», — raspaviała Vieranika Paśmiećjeva.

Jana taksama adznačyła, što prydumany padazravanym sposab atrymańnia hrošaj byŭ vielmi chitry i ŭ intaresach śledstva pakul nie vydajecca.

U dačynieńni da čynoŭnika zaviedziena kryminalnaja sprava pa č. 3 art. 426 (Pieravyšeńnie ŭłady abo słužbovych paŭnamoctvaŭ). Jamu pahražaje da 10 hadoŭ pazbaŭleńnia voli

Paskrobka z 2009 pa 2012 hod pracavaŭ na kirujučych pasadach u administracyi Frunzienskaha rajona h. Minska, z 2012 pa 2015 hod uznačalvaŭ administracyju Centralnaha rajona Minska, z 2015 pa 2017-y byŭ pieršym namieśnikam ministra žyllova-kamunalnaj haspadarki.

Mera Salihorska zatrymali prosta ŭ budynku abłvykankama 

Клас
0
Панылы сорам
0
Ха-ха
0
Ого
0
Сумна
0
Абуральна
0