Učora na prypynku kala HUMa z rekłamnaha ščyta skrali 120 miakkich cacak — talismana Jeŭrapiejskich hulniaŭ lisiania Lesika. Pra heta CityDog.by paviedamili ŭ kampanii life:).
Tak było ŭčora
— My ŭpryhožyli ŭstanoŭku, jakaja znachodzicca kala HUMa, da Jeŭrapiejskich hulniaŭ: paviesili fotastend. Jon składajecca z troch ram: na adnu ź ich paviesili miakkija cacki lisiania Lesika — ich było 120 štuk, na inšym raźmiaścilisia miačyki, na trecim - hazon z nadpisami.
Hetuju zonu my pastavili ŭčora ŭ kancy dnia — kala 8 abo 9-j viečara. A siońnia nam dasyłajuć fatahrafiju: na stendzie niama nivodnaha lisiania, i dva nižnich šerahi miačykaŭ taksama vyłamanyja. My trochi ŭ šoku, heta ž vandalizm. Cacki byli dobra prymacavanyja, tamu my navat nie ŭjaŭlajem, jak ich možna było skraści, - raspaviali ŭ kampanii life:).
Tak siońnia
Kampanija life:) źviazałasia z rekłamnym apierataram, jaki absłuhoŭvaje ščyty na hetym prypynku. Toj źbirajecca pisać zajavu ŭ milicyju.
