Saudaŭski žurnalist, kałumnist The Washington Post Džamal Chašohi staŭ achviaraj «naŭmysnaha pakarańnia śmierciu» z boku ŭładaŭ Saudaŭskaj Aravii. Pra heta zajaviła śpiecdakładčyk AAN pa pytańni pazasudovych pakarańniaŭ śmierciu Ańjes Kałamar, pradstaŭlajučy 100-staronkavy dakład pra rasśledavańnie zabojstva, pieradaje Reuters.

Kałamar, jakaja z hrupaj ekśpiertaŭ pravodziła rasśledavańnie ŭ Turcyi, dzie byŭ zabity žurnalist, paviedamiła pra najaŭnaść «peŭnych dokazaŭ» datyčnaści da zabojstva naślednaha prynca Muchamieda bien Salman Al Sauda. «Spadar Chašohi staŭ achviaraj naŭmysnaha pakarańnia śmierciu, naŭmysnaha zabojstva, za jakoje adkaznaja Saudaŭskaja Aravija», — havorycca ŭ spravazdačy Kałamar.

Ekśpiert AAN zapatrabavała dalejšaha rasśledavańnia atrymanych dokazaŭ i zaklikała ŭvieści adrasnyja sankcyi ŭ dačynieńni da naślednaha prynca i jaho asabistych aktyvaŭ, pakul jon nie dakaža svaju nievinavataść.

Клас
0
Панылы сорам
0
Ха-ха
0
Ого
0
Сумна
0
Абуральна
0