Aljans Renault-Nissan i padraździaleńnie Google z raspracoŭkami bieśpiłotnikaŭ Waymo płanujuć sumiesna stvarać servisy z samachodnymi aŭto.

Kampanii płanujuć pieršapačatkova zajści na rynki Francyi, Japonii, a taksama Kitaja. Na pieršym etapie supracoŭnictva jany pasprabujuć złučyć raspracoŭki ŭsich bakoŭ, kab vykarystoŭvać tolki svaje lepšyja technałohii, a taksama stvaryć jašče šerah inavacyj dla samachodnych aŭto.

Pa słovach pradstaŭnikoŭ brendaŭ, jašče zanadta rana kazać pra terminy, kali pačnucca surjoznyja testy novych bieśpiłotnikaŭ abo ich kamiercyjnaje prymianieńnie.

Tym nie mienš u płanach novaha aljansu nie tolki raspracoŭka bieśpiłotnikaŭ, ale i ich ŭkaranieńnie na roznych suśvietnych aŭtarynkach. Akramia inšaha jany buduć davać jurydyčnuju padtrymku i kansultacyi adzin adnamu padčas uvachodu ŭ Kitaj i inšyja važnyja dla prodažaŭ placoŭki.

Takoje partniorstva paŭstała na fonie šalonaj aktyŭnaści ŭ honcy za raspracoŭkaj i prodažam aŭtanomnych mašyn.

Partniorstva z Renault i Nissan padmacoŭvaje imknieńnie Waymo kamiercyjalizavać bieśpiłotniki ŭ samych roznych prykładańniach i zabiaśpiečvaje dostup da aljansu, jaki u 2018 hodzie pradaŭ bolš jak 10,7 miljonaŭ ​​aŭtamabilaŭ. Heta abjadnańnie ŭ pieršuju čarhu pašyraje technałahičnyja mahčymaści Waymo za miežy Paŭnočnaj Amieryki.

Клас
0
Панылы сорам
0
Ха-ха
0
Ого
0
Сумна
0
Абуральна
0