Prezident Ukrainy Uładzimir Zialenski źmianiŭ nazvu Administracyi prezidenta (AP) na «Ofis prezidenta». Ab hetym paviedamlajecca na aficyjnym sajcie kiraŭnika dziaržavy.

Udakładniajecca, što supracoŭnikaŭ struktury čakajuć maštabnyja skaračeńni. Ukaz prezidenta pra źmieny ŭ struktury AP ustupaje ŭ siłu z momantu padpisańnia.

Va ŭkazie havorycca, što zadačami ofisa prezidenta budzie ekśpiertna-analityčnaje, pravavoje i infarmacyjnaje kansultavańnie, jakoje budzie dapamahać prezidentu ŭ vykanańni jaho abaviazkaŭ.

Raniej kiraŭnik AP Andrej Bohdan zajaviŭ, što Zialenski nie admoviŭsia ad idei pierajezdu struktury ŭ novy ofis. «My płanujem stvaryć z administracyi prezidenta arhanizacyju, dzie buduć znachodzicca navukoŭcy, daśledčyki, talenavityja ludzi, refarmatary. My trymajem kirunak na ofis jeŭrapiejskaha typu», - zajaviŭ Bohdan.

Jon raspavioŭ, što novy ofis płanujuć zrabić u farmacie «oŭpienśpiejsa» sa šklanymi ścienami. U jakaści adnaho z varyjantaŭ losu ciapierašniaha budynka arhanizacyi Bohdan nazvaŭ pieratvareńnie jaho ŭ muziej ŭkrainskaj dziaržaŭnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0