Fota Jaŭhiena Koktyša.

Fota Jaŭhiena Koktyša.

Minharvykankam miarkuje, što pomnik Bykavu pavinien stajać tam, dzie budzie vulica Bykava. A hienierał Čarhiniec bačyć pomnik Bykavu na płoščy Źmitraka Biaduli, kala kinateatra «Mir».

Ni pieršy, ni druhi varyjant nie padajucca mnie adpaviednymi.

Chto taki Bykaŭ i što takoje Bykaŭ dla Biełarusi?

Bykaŭ — heta simvał. Simvał biełarusa na vajnie, ścipłaha biełarusa-pieramožcy, i adnasova simvał prostaha aficera, nie maršała, lejtenancika, — jaki prajšoŭ usiu vajnu, byŭ za vałasok ad śmierci, jakoha paličyli zabitym, adpravili siamji pacharonku, a jon zastaŭsia žyvy.

I Bykaŭ taksama — heta simvał biełaruskaści. Heta čałaviek, jaki zmahaŭsia nie tolki suprać nacyzmu, ale i za niezaležnaść. I taksama pieramoh.

Bykaŭ — heta postać, jakaja abjadnoŭvaje i mahła b jašče macniej abjadnać. Ja nikoli ni čuŭ ni ad kaho adekvatnaha słova suprać Bykava.

U hetaj bykaŭskaj ścipłaści i cichaj zaciataści — i nacyjanalny charaktar, i nacyjanalny sakret.

Kołas staić na centralnaj płoščy, na hałoŭnym praśpiekcie. Kupała staić u centralnym parku, na hałoŭnym praśpiekcie.

Miesca dla pomnika Bykavu — płošča Pieramohi, miž Kupałam i Kołasam i naroŭni ź imi. Architektary, skulptary chaj skažuć svajo słova, u jakim miescy płoščy jon maje stajać i jakim jon pavinien być. Ja b jaho bačyŭ nie manumientalnym, ale i nie drobnym, niedzie ŭ skviery — ale vyznačać heta musiać prafiesijanały. Moža być, tam, dzie Jaŭhien Koktyš zrabiŭ svajo kłasičnaje fota. Ale adnaznačna na toj płoščy, jakaja pryśviečana Pieramozie. 

Čytajcie taksama: Jak Bykaŭ staŭ Bykavym: što zrabiła jaho takim, jakim jon byŭ — bijahrafija

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?