Šaŭlajski akruhovy sud pryznaŭ vinavatymi dvuch hramadzian Litvy ŭ špijanažy na karyść Rasii i pryznačyŭ im pazbaŭleńnie voli na čatyry hady i dzieviać miesiacaŭ, piša Delfi.

Sprava razhladałasia ŭ zakrytym režymie. Abodva asudžanyja pryznali svaju vinu. Ich imiony nie nazyvajucca, adnak skazana, što adzin ź ich 1966 hoda naradžeńnia, druhi — 1961-ha. Pry pieratrusach u ich kanfiskavali €6480.

Pa danych suda, asudžanyja mahli za hrošy pieradavać danyja ŭ arhanizacyju, jakuju padazrajuć u špijanažy. Jana cikaviłasia dakumientami avijacyjnaj bazy VPS Litvy. Asudžanyja, jak adznačajecca ŭ materyjałach spravy, pavinny byli źbirać i padavać infarmacyju pra tych, chto moh by pačać supracoŭničać z zamiežnaj vyviedkaj. Adzin mužčyna pracavaŭ na avijacyjnaj bazie VPS Litvy ŭ Šaŭlai, druhi — vyjšaŭ u zapas.

Клас
0
Панылы сорам
0
Ха-ха
0
Ого
0
Сумна
0
Абуральна
0