Aktyvisty Narodnaj hramady Valancin Trocki, Siarhiej Sparyš i Ryhor Paharcaŭ vyjšli ź plakatami suprać pryjezdu Dźmitryja Miadźviedzieva ŭ fan-zonie na praspekcie Pieramožcaŭ. Ich žorstka zatrymali asoby ŭ cyvilnym, piša «Radyjo Svaboda»

Na fonie intehracyjnych pieramovaŭ pamiž Dźmitryjem Miadźviedzievym i Siarhiejem Rumasam aktyvisty Narodnaj hramady vyjšły ź plakatami da Pałacu sportu, dzie ciapier znachodzicca fan-zona Eŭrahulniaŭ. Pra heta Svabodzie raspavioŭ palityk Mikałaj Statkievič.

«Heta reakcyja na handal biełaruskaj niezaležnaściu. Jany vyrašyli pravieści akcyju, vyjšli da fan-zony la Pałacu sportu, kab vykazać svaju pazycyju. Jany byli žorstka zatrymanyja sa źbićciom, ale jany zahadzia viedali na što išli. Heta pratest suprać pieramoŭ ab zdačy niezaležnaści, jakija adbyvajucca prosta ciapier», — skazaŭ Mikałaj Statkievič.

Na plakatach aktyvistaŭ było napisana «Pucin, my nie adziny narod!», «Da pabačeńnia, naš łaskavy Miša», «Adčapiciesia ad nas sa svajoj intehracyjaj».

21 červienia Miensk naviedaŭ Dźmitry Miadźviedzieŭ, kab pravieści pieramovy ab intehracyi Biełarusi i Rasiei z kiraŭnikom biełaruskaha ŭradu Siarhiejem Rumasam. Abodva čynoŭniki zajavili pra paśpiachovaść intehracyjnych pracesaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?