Sakratar haradskoj rady Baryspala Jarasłaŭ Hadunok, jakoha prezident Ukrainy Uładzimir Zialenski vyhnaŭ z pracoŭnaj narady, sabraŭsia padać na kiraŭnika dziaržavy ŭ sud. Pra heta čynoŭnik zajaviŭ u intervju vydańniu «Strana.ua».

«Viadoma, ja zaraz u sud pajdu. U mianie šok. Ja za hetaha debiła ciahnuŭ mazu… [zastupaŭsia za jaho — Red.] Ja prosta byŭ suprać Parašenki, tamu ja vymušana hałasavaŭ za Zialenskaha. A vy pahladzicie, jak jon siabie pavodziŭ! Chiba prezident moža tak siabie pavodzić? Jon kazaŭ, što kožny z nas prezident — dyk dajcie mnie słova! Ja hatovy adkazać za lubuju kapiejku, za luby kryminał — praviercie mianie. Ale nie maje maralnaha prava prezident pavodzić siabie tak. Ja jamu hetaha nie daruju», — skazaŭ Hadunok.

Pavodle jaho słoŭ, da narady Zialenski nie viedaŭ pra sudzimaści ŭdzielnika sustrečy, — pra heta prezidentu paviedamiŭ jaho pamočnik prosta padčas mierapryjemstva. Čynoŭnik panarakaŭ, što, pračytaŭšy brud ź internetu, Zialenski admoviŭsia vysłuchać jaho dakład ab prablemach u rajonnaj administracyi i nazvaŭ bandytam.

Paviedamleńni pra sudzimaść za razboj Hadunok abvierh. Čynoŭnik zajaviŭ, što suprać jaho raspačynali spravy, ale vinu dakazać nie zmahli.

Čytajcie taksama: «Vyjdzi adsiul, razbojnik!» Zialenski vyhnaŭ z sustrečy miascovaha čynoŭnika VIDEA

Клас
0
Панылы сорам
0
Ха-ха
0
Ого
0
Сумна
0
Абуральна
0