Uvieś tydzień u Barysavie niepahadź: sonca źmianiajecca daždžom, doždž časam hradam i časta navalnicaj. U pačatku lipienia barysaŭčanie spaŭna adčuli na sabie złość pryrody. Padčas navalnicy zhareli mnohija elektraprybory ŭ žycharoŭ vulicy 10 hadoŭ BSSR, piša Ex-press.by.

U domie Ihara zhareli dva televizary, dva telefony, dźvie prystaŭki ad ZALA i kacioł dla nahravańnia vady.

— Było takoje adčuvańnie, byccam usio małanki bjuć mienavita ŭ moj dvor i nikudy bolš, — dzielicca ŭładalnik pryvatnaha doma. — Ja zajšoŭ u prybiralniu i bačyŭ, jak praź vientylacyju milhaje małanka. Kacioł zaiskryŭsia, i tut stała sapraŭdy strašna. Byli dumki pra toje, što aby nie zdaryŭsia pažar. U vyniku ŭsio abyšłosia, ale paciarpieła technika.

Matryca televizara paprostu raspłaviłasia i «papłyła».

Ciapier usio, što paciarpieła padčas navalnicy, składziena na adnym stale.

Paśla navalnicy Ihar źviarnuŭsia ŭ strachavuju słužbu, adnak tam pahadzilisia apłacić tolki častkovy ramont katła.

Zaraz Ihar užo pamianiaŭ abiedźvie teleprystaŭki, pakazaŭ telemajstru abodva televizary. I čakaje zakančeńnia ramontu katła.

— Telemajstra skazaŭ, što ŭ adnym z televizaraŭ byŭ taki skačok napružańnia, što papłyła matryca, jon złamany całkam. Druhi jašče pasprabujuć adramantavać. Ramont katła ŭžo paciahnuŭ na 400 rubloŭ, zharełyja telefony — drobiazi ŭ paraŭnańni z hetym, — kaža barysaŭčanin.

Prystaŭki Iharu «Biełtelekam» pamianiaŭ biaspłatna.

U druhoj pałovie doma, dzie žyvuć svajaki Ihara, raspłaviłasia skrynka błoka zaścierahalnikaŭ. Ciapier tam čakajuć elektrykaŭ dla jaje zamieny.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?