Va ŭzroście 57 hadoŭ 30 lipienia pamierła kampazytarka Hanna Karotkina. Pra jaje śmierć napisali ŭ fejsbuku Biełaruskaha sajuzu kampazytaraŭ, paviedamlaje radyjo «Svaboda».

Pryčyna śmierci nie paviedamlajecca. Data i miesca raźvitańnia paviedamiać paźniej.​

Karotkina pisała duchoŭnuju charavuju i arhannuju muzyku, a taksama fartepijannuju i symfaničnuju. Siarod tvoraj kampazytarki siuity «Francysk Skaryna», «Freski», «Halšany», fantazija «Pieśnia da Eŭfrasińni», paema «Hrunvald».

Karotkina naradziłasia ŭ Viciebsku, skončyła Biełaruskuju dziaržaŭnuju akademiju muzyki, stažyravałasia ŭ Varšaŭskaj akademii muzyki imia F. Šapena. Źjaŭlałasia laŭreatam premii Biełaruskaha prafsajuzu supracoŭnikaŭ kultury, atrymała hrant i premiju Mienharvykankamu, była sakratarkaj Biełaruskaha sajuzu kampazytaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0