U subotu, 17 žniŭnia, byŭ učynieny čaćviorty pa liku napad na juvielirnuju kramu «Jachant».

Raspylili haz, źviazali ruki: dziorzki nalot na juvielirnuju kramu ŭ centry Minska

Što viadoma pra papiarednija rabavańni? Pra heta paviedamlaje ahienctva «Minsk-Naviny».

Foto SK

Foto SK

— Pieršaja sproba rabavańnia była jašče ŭ 70-ja hady minułaha stahodździa, ale tady złačyncy nie zmahli davieści svoj namier da kanca, — uzhadvaje vieteran minskaj milicyi Viktar Piakarski. — U siaredzinie 80-ch «Jachant» usio ž taki abrabavali, pryčym siarod biełaha dnia, ale złačyncaŭ apieratyŭna zatrymali pa prykmietach, jakija dobra zapomnili pradaŭcy kramy.

Pryblizna pa takim ža scenary raźvivalisia padziei i ŭ kancy 90-ch: pracoŭny dzień byŭ u samym razhary, kali ŭ juvielirnuju kramu zajšli dva mužčyny ŭ čornych maskach i sa zbrojaj u rukach.

— U kramie «Jachant» spracavała tryvožnaja sihnalizacyja, i ja nieadkładna nakiravaŭ tudy hrupu zatrymańnia, — raspaviadaje Juryj Miacielski, jaki ŭ tyja hady byŭ apieratyŭnym dziažurnym ADS Centralnaha RAUS i kiravaŭ usimi milicejskimi naradami ŭ rajonie. — Adnak rabaŭniki spracavali nastolki chutka i zładžana, što pa haračych śladach ich zatrymać nie ŭdałosia. Vulica Kisialova ŭ toj čas była cichaj i niešmatludnaj, i złačyncy hetym skarystalisia.

Pamiataju, suma škody tady była vielmi vialikaja.

Rabaŭnikoŭ znajšli ŭ Padmaskoŭi tolki praź niekalki hadoŭ. Imi byli dvoje raniej sudzimych rasiejcaŭ. Za złačynstva jany adkazali pierad sudom.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?