U siale Patrykiejeva Uljanaŭskaj vobłaści znajšli cieły piaci čałaviek, zabitych siakieraj. Usie jany byli členami adnoj siamji.

ulyanovsk.sledcom.ru

ulyanovsk.sledcom.ru

U zabojstvie padazrajecca 16-hadovy junak, jaho cieła znojdziena niedaloka ad miesca złačynstva.

«Kala 11 hadzin 18 žniŭnia ŭ adnym z damoŭ siała Patrykiejeva Bazarnasyzhanskaha rajona z prykmietami hvałtoŭnaj śmierci znojdzienyja cieły 66-hadovaha mužčyny, žančyn 69- i 42-ch hadoŭ, a taksama dvuch małaletnich dziaciej 4-ch hadoŭ. Usie źjaŭlalisia členami adnoj siamji.

Paśla kala vyški sotavaj suviazi, raźmieščanaj pablizu siała, było znojdziena cieła 16-hadovaha maładoha čałavieka, jaki źjaŭlaŭsia svajakom zahinułych.

Pavodle adnoj ź viersij śledstva, padletak zabiŭ členaŭ svajoj siamji, paśla čaho skočyŭ z vyški sotavaj suviazi», — havorycca ŭ paviedamleńni SK Uljanaŭskaj vobłaści.

Surazmoŭca TASS, u svaju čarhu, paviedamiŭ, što małady čałaviek taksama pakinuŭ pieradśmiarotnuju zapisku. U joj jon raspavioŭ, što vyrašyŭ skončyć žyćcio samahubstvam i pieražyvaŭ, što svajaki buduć jaho apłakvać. «Dla taho, kab u ich nie było niehatyŭnych emocyj, jon vyrašaje zabrać rodnych z saboj», — skazaŭ surazmoŭca ahienctva.

Pradstaŭnik prakuratury Uljanaŭskaj vobłaści dapuściŭ, što padletak byŭ chvory na šyzafreniju. Sioleta, udakładniaje TASS, skončyŭ 10-y kłas. Z boku škoły charaktaryzavaŭsia stanoŭča, vydatna vučyŭsia.

Jak udakładniŭ TASS namieśnik hubiernatara Uljanaŭskaj vobłaści Siarhiej Lulkoŭ, padletak prychodziŭsia unukam zabitym pažyłym mužčynu i žančynie. Pavodle papiarednich źviestak, 42-hadovaja žančyna była jaho maci, a dvoje małaletnich dziaciej byli ŭ jaje ad inšaha šlubu.

«Siamja była ščaślivaj, ale małazabiaśpiečanaj», — skazaŭ jon. Maci, pa jaho słovach, chvareła i nidzie nie pracavała.

Pa fakcie zdareńnia zaviedziena kryminalnaja sprava — zabojstva dźviuch i bolš asob, u tym liku małaletniaha.

Клас
0
Панылы сорам
0
Ха-ха
0
Ого
0
Сумна
0
Абуральна
0