U Biełarusi ŭ budučyni płanujecca vykarystoŭvać napaŭprazrystyja skryni i elektronnaje hałasavańnie. Pra heta ŭ prahramie «Tydzień» telekanała STB zajaviła staršynia CVK Lidzija Jarmošyna, piša BIEŁTA.

«My pastupova vučymsia tym abo inšym standartam. Praŭda, ad taho, što my jašče nie paśpieli prymianić, inšyja ŭžo admaŭlajucca. Naprykład, na nas biez kanca idzie cisk nakont taho, kali buduć ŭsiudy vykarystoŭvacca prazrystyja skryni dla hałasavańnia.

Adrazu mahu skazać — heta ŭžo nie modna, bolš za toje, heta supiarečyć mižnarodnym standartam — prazrystyja skryni nie zabiaśpiečvajuć tajnu volevyjaŭleńnia vybarščykaŭ. Modna vykarystoŭvać napaŭprazrystyja skryni, modna, prynamsi, častkova, vykarystoŭvać elektronnaje hałasavańnie.

Dumaju, my taksama budziem heta z časam pastupova ŭkaraniać», — skazała Lidzija Jarmošyna.

Havoračy ab źmianialnaści parłamienta, jana adznačyła: pavodle pažadańnia kiraŭnika dziaržavy kala traciny deputataŭ pavinna zastavacca na druhi termin.

Ale jość i druhoje pažadańnie: jak praviła, termin paŭnamoctvaŭ u kožnaha indyvidualnaha deputata pavinien być nie bolšy za 2 terminy zapar. «Jość padtrymka i padbor budučych kandydataŭ z ulikam zachavańnia ŭsich praporcyj», — padkreśliła staršynia Centrvybarkama.

Taksama jana źviarnuła ŭvahu na toje, što vybary projduć u śviatočny dzień — 7 listapada. Na dumku Lidzii Jarmošynaj, heta vielmi ŭdałaja ideja: takim čynam «dziaržaŭnaje dziejstva budzie adpaviadać dziaržaŭnamu śviatu».

Клас
0
Панылы сорам
0
Ха-ха
0
Ого
0
Сумна
0
Абуральна
0