Anatol M. paviedamiŭ sudździ, što nikoli nie čuŭ pra sistemu bajkšerynhu, piša Radyjo Svaboda.

Sud Leninskaha rajona Minska razhladaje spravu ab kradziažy prakatnaha rovara. Na łavie padsudnych 43-hadovy kiroŭca z Baranavičaŭ Anatol M. Jon pracuje ŭ indyvidualnaha pradprymalnika, čas ad času pryjazdžaje ŭ Minsk na hruzavym aŭtamabili pa tavar.

Kradziež prakatnaha rovara adbyŭsia kala apoŭnačy 21 lipienia na Ihumienskim trakcie. Abvinavačany ŭ sud pryjšoŭ sam, ad pasłuhaŭ advakata admoviŭsia, vinu pryznaŭ całkam.

«Čysło nie pamiataju, kali heta zdaryłasia, — raskazaŭ abvinavačany. — Stajaŭ rovar na Ihumienskim trakcie, kala kalcavoj. Dzień stajaŭ. Na druhi dzień prajazdžaju — znoŭ staić. Dva dni staić, nikomu nie patrebny. Staić i staić. U nas takich niama ŭ Baranavičach. Nu ja i vyrašyŭ zabrać. Spyniŭsia, kinuŭ u mašynu i pajechaŭ nazad u Baranavičy. Ja rovar chacieŭ synu padaryć. Pra bajkšerynh nikoli nie čuŭ. Kali b čuŭ, to lepš by ja synu rovar sam kupiŭ».

Rovar M. prateściravaŭ praź niekatory čas, jon byŭ zabłakavany. Pa słovach abvinavačanaha, jon źbiraŭsia paźniej vyrašyć hetuju prablemu, adnak pieraškodzili śledčyja, jakija spynili hruzavik M. i znajšli skradzieny rovar u jaho kuzavie. Jaho synu 18 hadoŭ.

Śviedkam na pracesie vystupiŭ inžynier kampanii «Kołabajk», jakoj naležyć rovar. Jon raskazaŭ, što praź sistemu spadarožnikavaha sačeńnia ŭ kampanii zmahli pabačyć, što ich rovar znachodzicca ŭ Fanipali, a potym pačaŭ ruchacca ŭ kirunku Stoŭbcaŭ. Paśla ŭ «Kołabajku» vyrašyli źviarnucca ŭ milicyju.

Rovar, jaki pavodle śledztva skraŭ M., byŭ viernuty ŭłaśniku cełym. Pavodle materyjałaŭ suda, jon kaštuje 728 rubloŭ 36 kapiejek. Heta dazvalaje razhladać spravu ab kradziažy prakatnaha rovara pa častcy 1 artykuła 205 Kryminalnaha kodeksu (kradziež). Jana praduhledžvaje pakarańnie ad štrafu da pazbaŭleńnia voli terminam 3 hady.

Jak paviedamiŭ u zali suda pradstaŭnik kampanii «Kołabajk», na dadzieny momant viadoma vosiem vypadkaŭ kradziažoŭ prakatnych rovaraŭ.

Prakuror paprasiŭ pakarać abvinavačanaha štrafam u 75 bazavych vieličyń (1912,5 rubla). Rašeńnie budzie vyniesiena 20 žniŭnia ŭ 11.30.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?