U vioscy Ziańki, što ŭ Kamianieckim rajonie Bieraściejščyny, źjaviŭsia stend, na jakim adlustravanyja try karty ŭ adnoj.

«U hetym prajekcie ŭsio było lohka i cikava. Jon byŭ niby dabrasłaviony, tamu na ŭsich etapach usio rabiłasia biez anijakich spatykańniaŭ. Dobra spracavalisia z mastakom Illoj Šamiłavym, staršynia sielsavieta pajšoŭ nasustrač, dapamahali ziańkoŭcy.

Što da mapy, to heta mapa try ŭ adnym. Vierchniaja pakazvaje, jakija chaty zhareli ŭ lipieni 1944 hoda i jak jany nazyvalisia. Nižniaja demanstruje adbudovu i ciapierašni vyhlad Ziańkoŭ, a na nižniaj my raźmiaścili ŭsiu tapanimiju, jakuju ŭdałosia sabrać: kala 50 nazvaŭ», — raskazała «Našaj Nivie» žurnalistka Ina Chomič, dziakujučy namahańniam i apantanaści jakoj i byŭ realizavany prajekt.

Ina Chomič. Fota kamenec.by

Ina Chomič. Fota kamenec.by

Materyjał dla mapy Ina źbirała niekalki hadoŭ.

«Vielmi paščaściła, što da momantu stvareńnia karty dažyła naša hałoŭnaja ekśpiertka baba Handzia, jakoj 87 hadoŭ, choć usio šantažavała nas z mužam, što pamre», — śmiajecca Ina Chomič.

Prezientacyja karty stała sapraŭdnym śviatam dla vioski Ziańki. Zaraz u hetaj vioscy pastajanna žyvuć piać čałaviek, tamu i śviata, i novy stend — heta vializnaja padzieja dla miascovych žycharoŭ, jakija z zadavalnieńniem razhladali mapu i śmiajalisia, kali čytali na im tyja nazvy, jakija zaŭsiody byli tolki ŭ ludziej na vusnach.

 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?