Pra heta Alaksandr Łukašenka zajaviŭ siońnia na naradzie pa pytańni jakaści pracy pravaachoŭnych orhanaŭ pa vyjaŭleńni i rasśledavańni złačynstvaŭ, pieradaje BIEŁTA.

Zvaroty hramadzian i pravaprymianialnaja praktyka vyjaŭlajuć prablemy, pryčym u šerahu vypadkaŭ dastatkova vostryja.

«Niadaŭni prykład (jon aktyŭna abmiarkoŭvaŭsia ŭ ŚMI, ale ja nie chaču musolić jaho) — heta sprava hałoŭnaha inžyniera Minskaha zavoda kołavych ciahačoŭ. Ja nie tak adnaznačna aceńvaju jaho, jak u hramadstvie i navat jak u sudzie. Ale pra heta my pahavorym asobna. Heta vielmi dobry i jaskravy prykład vašaj pracy jak pa sutnaści, tak i pa formie, u pryvatnaści, milicyi, — adznačyŭ Alaksandr Łukašenka. — Kolkaść zvarotaŭ, inšyja rezanansnyja spravy śviedčać ab surjoznych niedachopach i pralikach u pracy apieratyŭna-vyšukovych i śledčych padraździaleńniaŭ, a taksama, na žal, prakuratury».

Pavodle jaho słoŭ, u ludziej časam składvajecca ŭražańnie, što supracoŭnikaŭ pravaachoŭnych orhanaŭ u pieršuju čarhu cikaviać nie žyćcio i los čałavieka, a ličby i rejtynhi, jakimi vymiarajecca efiektyŭnaść ich pracy.

«Prytym falsifikacyja ŭ chodzie rasśledavańnia kryminalnych spraŭ takaja, što lepš by vy nie pačynali hetyja kryminalnyja spravy.

Niekatoryja ŭ pahonach prybureli i abarzieli da taho, što jany nie prosta nie pavinny ich nasić — hetyja ludzi pavinny być vyklučanyja z našaha hramadstva ŭ pieršuju čarhu, pierš čym tyja, spravy jakich jany rasśledujuć», — zajaviŭ kiraŭnik dziaržavy.

Jašče horš, dadaŭ kiraŭnik dziaržavy, kali heta supravadžajecca prymianieńniem aktyŭnych siłavych mietadaŭ, niesuvymiernych situacyjam.

«Ci bačycie, viaršycieli losaŭ! Uvarvaŭšysia ŭ dom pry dzieciach, ciažarnych žonkach, pakłaści čałavieka mordaj u padłohu, jak u vas pryniata kazać, załamać ruki, pałamać niekalki rebraŭ, i strasieńnie mozhu — heta jak minimum.

Heta biazmozhłyja ludzi, jakim taksama nie miesca ŭ pravaachoŭnaj sistemie. Što naohuł niedapuščalna ŭ praktycy siłavikoŭ — źjaŭlajecca novaja «forma» pracy - pramy cisk na ŭdzielnikaŭ kryminalnaha pracesu. Navat da sudździaŭ padjazdžajuć i pačynajuć na ich najazdžać: dy my z vami, dy my vas budziem presavać, nachilać», - raskazaŭ jon.

Alaksandr Łukašenka aburyŭsia, što jaho pra hetyja fakty prosta infarmujuć, a adpaviednyja miery ŭździejańnia ŭ dačynieńni da takich pravaachoŭnikaŭ nie prymajucca. Infarmavać prezidenta, zaŭvažyŭ jon, treba pa vynikach pryniatych mier.

«Heta nie zabieśpiačeńnie zakonnaści, — padkreśliŭ kiraŭnik dziaržavy. — Siońnia my pavinny vyjavić usie pryčyny, z pryčyny jakich padobnaje stanovicca mahčymym, vyznačyć, što rabić, kab nie dapuścić u budučyni parušeńniaŭ pravoŭ hramadzian u našaj krainie».

Hałoŭnaha inžyniera MZKC, jakoha trymali pad śledstvam bolš za čatyry hady, znoŭ apraŭdali — i narešcie vyzvalili 

Клас
0
Панылы сорам
0
Ха-ха
0
Ого
0
Сумна
0
Абуральна
0