Polšča da hetaha času nie atrymała adpaviednaj kampiensacyi za škodu ŭ hady nacysckaj akupacyi, zajaviŭ premjer-ministr krainy Mateuš Maraviecki. Jon nie ŭdakładniŭ, jakuju mienavita sumu Varšava choča atrymać ad Niamieččyny, piša DW.
Varšava nie ličyć zakrytym pytańnie ab atrymańni ad Niamieččyny finansavaj kampiensacyi za napad na Polšču ŭ 1939 hodzie i akupacyju krainy.
«Polšča dahetul nie atrymała ad Niamieččyny suraźmiernaj kampiensacyi za złačynstvy Druhoj suśvietnaj vajny», — zajaviŭ premjer-ministr Polščy Mateuš Maraviecki.
Pa słovach Maravieckaha, Polšča straciła ŭ hady vajny 6 młn čałaviek — značna bolš, čym dziaržavy, jakija atrymali ad Niamieččyny bujnyja reparacyi.
«Heta niespraviadliva. Tak spravu pakidać nielha», — padkreśliŭ polski premjer.
Mateuš Maraviecki nie staŭ nazyvać sumu, jakuju Polšča maje namier zapatrabavać ad Niamieččyny.
Maraviecki adchiliŭ dovad, što Varšava ŭ 1953 hodzie padpisała dahavor ab admovie ad reparacyj. «Heta była damova pamiž Polščaj i HDR, jakuju my nie pryznajem. Abiedźvie dziaržavy ŭ toj čas byli častkaj savieckaha błoka», — rastłumačyŭ jon.
