Dva profilnyja kamitety Dziaržaŭnaj rady Tatarstana parekamiendavali parłamientu respubliki nie padtrymlivać inicyjatyvu ab ustanaŭleńni 11 listapada pamiatnaj daty Rasii — Dnia zakančeńnia Vialikaha stajańnia na race Uhry (1480 hod).
Jak adznačyŭ staršynia Kamiteta pa dziaržaŭnym budaŭnictvie i miascovym samakiravańni Albiert Chabibulin, prajekt zakona vyklikaŭ nieadnaznačnuju reakcyju ŭ hramadstvie, a jaho pryniaćcie pryviadzie da raskołu šmatnacyjanalnaha hramadstva krainy i niehatyŭna adabjecca na palityčnaj abstanoŭcy ŭ Rasii. Dla abmierkavańnia pytańnia na pasiadžeńnie byli zaprošany viadomyja navukoŭcy Tatarstana. Pa ich słovach, stajańnie na race Uhry nie źjaŭlajecca značnaj histaryčnaj padziejaj.
«Nie treba hulać historyjaj našaha šmatnacyjanalnaha naroda», — zajaviŭ u svaju čarhu deputat Chafiz Mirhalimaŭ. Pa zakonaprajekcie 28 žniŭnia budzie praviedziena «zavočnaje hałasavańnie». Paśla hetaha śpikier Dziaržaŭnaj rady Faryd Muchamietšyn nakiruje vodhuk u rasijski parłamient.
