Zdareńnie adbyłosia ranicaj 29 žniŭnia na vulicy Prytyckaha, paviedamlaje pres-słužba MNS. 

11-hadovy chłopčyk byŭ adzin doma. Baćki i starejšy brat źjechali ŭ Polšču. Chłopčyk pavinien byŭ iści da babuli, ale nie pajšoŭ. Jon pračnuŭsia i pabačyŭ pažar u susiednim pakoi, vyjšaŭ u kalidor i patelefanavaŭ «101». Dyśpietčar pierakanała jaho vyjści z kvatery i čakać prybyćcia ratavalnikaŭ.

Chłopčyk adrazu padyšoŭ da pažarnych i pakazaŭ, dzie pažar. Paśla ahladu bryhadaj chutkaj miedycynskaj dapamohi 11-hadovaje dzicia było špitalizavana ŭ balnicu z papiarednim dyjahnazam «termainhalacyjnaja traŭma». Vyjaviłasia, što adbyłosia zaharańnie majomaści ŭ adnym z pakojaŭ.

Pažar łakalizavany i likvidavany ratavalnikami. U vyniku ahniom paškodžana majomaść, zakurana kvatera. Razhladanaja viersija — karotkaje zamykańnie. 

Razam z tym ratavalniki zaklikajuć pamiatać, što mienavita darosłyja adkaznyja za biaśpieku dziaciej. Kali vy ličycie, što vaša dzicia ŭžo dastatkova darosłaje, kab zastavacca doma adno, navučycie jaho praviłam pavodzin pry nadzvyčajnych situacyjach i zaŭsiody budźcie dla ich prykładam.

Клас
0
Панылы сорам
0
Ха-ха
0
Ого
0
Сумна
0
Абуральна
0