Pa biełaruskich supołkach «UKantakcie» raspaŭsiudžvajecca videa pjanych razborak z małaryckimi inśpiektarami DAI. 

Usio adbyłosia 17 žniŭnia ŭ centry horada — kampaniju nie vielmi ćviarozych maładzionaŭ tarmaznuła DAI.

U kiroŭcy nie było techahladu, što ciahnuła na afarmleńnie pratakołu. Ale tak vyjšła, što kampanija vielmi śpiašałasia i vyrašyła nie padpisvać pratakoł, a pajechać dalej. Milicyja z takim raskładam nie pahadziłasia.

Vyjšaŭ kanflikt — adzin z maładzionaŭ, Michaił Bažankoŭ, vielmi emacyjna patrabavaŭ ad daišnikaŭ vyzvalić sustrečnuju pałasu, na jakoj i stajała mašyna pravaachoŭnikaŭ. Paralelna z patrabavańniami, Michaił skaciŭsia da samych vulharnych abrazaŭ: «E, da***iob!».

Hladzicie detali na videa: 

Varta skazać, što milicyjaniery nie vialisia na pravakacyi.

Praź niejki čas Michaiła aštrafavali — za drobnaje chulihanstva i abrazu supracoŭnikaŭ pry vykanańni ź jaho spahnali 561 rubiel.

Zdavałasia, što na hetym historyja i skončycca. 

Ale raptam hetaje videa vypłyła ŭ internecie u śpiecyjalizavanych supołkach! Dy jašče i biez cenzury, z usimi maciukami.

U momant, kali «Naša Niva» raspytvała hałoŭnaha hieroja pra matyvy jahonych pavodzin, vyjaviłasia, što jon moža adkazać za svaje pavodziny jašče raz, ciapier pa kryminalnym artykule. Bo paśla źjaŭleńnia videa ŭ internecie abraza pradstaŭnika ŭłady stała publičnaj.

Michaił Bažankoŭ

Michaił Bažankoŭ

«Nu mnie tady nie spadabałasia, što jany nas zatrymlivali, niby niejkich kryminalnikaŭ — pieraharadziŭšy darohu. A my jechali, nikoha nie čapali. Jany nie mahli tak rabić! Ja sam słužyŭ u milicyi! — raskazaŭ «Našaj Nivie» Michaił, jaki prachodziŭ słužbu va ŭnutranych vojskach. — My pačali narmalna havaryć, ale potym jany ledź nie «zakryj rot» skazali, ja tady dastaŭ telefon i pačaŭ zdymać. Jany stali bolš vietlivymi, na kamieru ničoha nie kazali». 

Ale voś Michaił, jak vyjšła, nie strymaŭsia. Čamu abražaŭ i łajaŭsia? 

«Ja mocna pjany byŭ, inačaj tak by nie zrabiŭ. U vielmi mocnym apjanieńni… My prosta śpiašalisia… Nie byli zhodny stajać. Ja zhodny, što pierahnuŭ. U sudzie pryznaŭ usio, atrymaŭ štrafu — 22 bazavych. 20 bazavych za abrazu, jašče 2 bazavyja za toje, što ja staŭ praciahła sihnalić, kab jany adjechali…

Ja ž adnaho inśpiektara viedaŭ, horad mały… Kali jaho ŭbačyŭ, kažu: Jura, daruj, nie chacieŭ, byŭ vypiŭšy. Jon pramaŭčaŭ i pajšoŭ. Ale videa ciapier u internecie, i mnie try dni tamu zvaniŭ učastkovy, skazaŭ, što budzie rasśledavańnie pa artykule 369 Kryminalnaha kodeksu [Abraza pradstaŭnika ŭłady, maksimalnaje pakarańnie — abmiežavańniem voli na 3 hady — «NN»]. Nie viedaju, što rabić ciapier», — skazaŭ chłopiec.

Ale jak videa akazałasia ŭ internecie? 

«Sa mnoj byŭ kiroŭca, jamu 20 hod, mały. Voś jon skinuŭ svajmu siabru paśmiajacca, a toj vyrašyŭ skinuć u internet, kab paśmiajalisia ŭsie astatnija. Z majho telefona ničoha nie skidałasia ŭ internet, ja tak učastkovamu i skazaŭ, bo navat i źniata nie na moj — zdymałasia na telefon siabra. Ale ciapier užo ničoha nie vydalić», — skazaŭ jon.

Pres-sakratar MUS Volha Čamadanava tak prakamientavała situacyju: 

«17 žniŭnia kala 21:45 pastupiła paviedamleńnie ab tym, što na vulicy Savieckaj u Małarycie pjanaja kampanija na aŭtamabili «Džyp Čeroki» parušaje hramadski paradak — hučna kryčyć, sihnalić, tym samym pieraškadžaje hramadzianam adpačyvać.

Praz 20 chvilin narad DPS spyniŭ dadzieny aŭtamabil jakim kiravaŭ 20-hadovy miascovy žychar. 26-hadovy pasažyr ažyćciaŭlaŭ videazdymku dziejańniaŭ inśpiektaraŭ na smartfon, pry hetym na ŭvieś hołas vykazvaŭ u dačynieńni da ich roznaha rodu abrazy, u tym liku — z vykarystańniem łajanki.

Paśla hetaha chulihan, znachodziačysia ŭ sałonie aŭtamabila, na praciahu niekalkich dziasiatkaŭ siekund bieśpierapynna padavaŭ hukavy sihnał, parušajučy spakoj hramadzian. Videazdymku jaho dziejańniaŭ rabiŭ druhi pasažyr, jaki znachodziŭsia na zadnim siadzieńni aŭtamabila.

U dačynieńni da pravaparušalnika za drobnaje chulihanstva (artykuł 17.1 KaAP) i abraza słužbovaj asoby pry vykanańni im słužbovych paŭnamoctvaŭ (artykuł 23.5 KaAP) składzieny pratakoły ab administracyjnych pravaparušeńniach. Sudom Małaryckaha rajona jamu pryznačana spahnańnie ŭ vyhladzie štrafu ŭ pamiery 22 bazavych vieličyń».

Aproč taho, pa jaje słovach, kiroŭca aštrafavany na 1 bazavuju vieličyniu za toje, što nie prajšoŭ techahlad.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?