Jon u pryvatnaści zajaviŭ, što padčas druhoj telefonnaj razmovy z prezidentam Rasii Uładzimiram Pucinym jany damovilisia, što treci kantakt pamiž imi budzie asabistaj sustrečaj u «narmandskim farmacie».

«Našym bokam jana zapłanavanaja. Ščyra kažučy, jon mnie skazaŭ, što raniej byli takija adnosiny, što ni pra jakija sustrečy nie mahło być havorki, ale kab vyrašać u Minskim farmacie nam treba sustrakacca ŭ Narmandskim. Ja liču, što tolki hledziačy vočy ŭ vočy i ŭ prysutnaści zachodnich lidaraŭ my možam damovicca i padpisacca — što samaje važnaje», — zajaviŭ ukrainski prezident.

Zialenski adznačyŭ, što paśla zaviaršeńnia vajennaha kanfliktu z RF «budzie adkrytaja razmova: ź imionami sučasnych palitykaŭ, sučasnych pradstaŭnikoŭ srodkaŭ masavaj infarmacyi».

«Hladzicie, my prosta ŭ demakratyčnaj krainie žyviem, ale ŭ mianie jość infarmacyja z proźviščami: chto što robić, chto ad kaho atrymlivaje hrošy, chto jakija akcenty, chto jakija pasyły daje na telebačańni, u haziety — što ŭ cełym adbyvajecca dziela taho, kab jany [tyja, kaho ŭtrymlivajuć u Rasii] prosta nie viarnulisia. Usia infarmacyja jość — heta samaje hałoŭnaje. I ŭsie buduć za heta adkazvać», — paabiacaŭ jon.

Apošni raz pieramovy ŭ «narmandskaha farmacie» na ŭzroŭni lidaraŭ Ukrainy, Hiermanii, Francyi i Rasii adbylisia ŭ kastryčniku 2016 hoda ŭ Bierlinie. U lipieni 2019 hoda ŭ Paryžy źniešniepalityčnyja daradcy lidaraŭ Ukrainy, Hiermanii, Francyi i Rasii praviali sustreču z metaj adnaŭleńnia pracy «narmandskaha farmatu».

19 žniŭnia praviadzieńnie samitu ŭ «narmandskim farmacie» stała temaj abmierkavańnia padčas dvuchbakovaj sustrečy pamiž Emaniuelem Makronam i Uładzimiram Pucinym. 

U Pucina paćvierdzili prapracoŭku novaj sustrečy ŭ «narmandskim farmacie».

Na 2 vieraśnia pryznačana sustreča dypłamatyčnych daradcaŭ lidaraŭ krain «narmandskaj čaćviorki» ŭ Bierlinie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?