Vice-prezident ZŠA Majk Pens pravioŭ z prezidentam Ukrainy Uładzimiram Zialenskim telefonnyja pieramovy, padčas jakich jany abmierkavali budučuju sustreču amierykanskaha lidara Donalda Trampa i Zialenskaha na palach Hienieralnaj asamblei AAN u Ńju-Jorku na nastupnym tydni. Pra heta havorycca ŭ paviedamleńni, apublikavanym na sajcie Biełaha doma.

«Vice-prezident paćvierdziŭ niepachisnuju prychilnaść Złučanych Štataŭ suvierenitetu i terytaryjalnaj cełasnaści Ukrainy», - adznačajecca ŭ paviedamleńni. Pens i Zialenski taksama abmierkavali svaju sustreču ŭ Varšavie 1 vieraśnia, padčas jakoj vice-prezident zapeŭniŭ ukrainskaha lidara ŭ dalejšaj padtrymcy z boku ZŠA.

Zialenski pavinien byŭ sustrecca z Trampam ŭ Varšavie, dzie 1 vieraśnia prachodzili pamiatnyja mierapryjemstvy z nahody 80-j hadaviny pačatku Druhoj suśvietnaj vajny. Adnak amierykanski prezident admianiŭ vizit u Polšču z-za urahanu «Daryjan», jaki nasoŭvaŝsia na ZŠA.

Zialenski zajaŭlaŭ, što ŭ pieršuju čarhu raźličvaŭ na pradmietnuju razmovu ab inviestycyjach i biźniesie, i paabiacaŭ nie iści da Trampa «z praciahnutaj rukoj».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?