Premjer-ministr Kanady Džaścin Trudo vybačyŭsia za toje, što ŭ 2001 hodzie sfatahrafavaŭsia z čornym hrymam na tvary, paviedamlaje Reuters.

«Tady mnie treba było dobra padumać, ale ja hetaha nie zrabiŭ, a ŭ vyniku zrabiŭ toje, što zrabiŭ, i mnie vielmi škada», — pryvodzić ahienctva słovy Trudo, kali jon kamientavaŭ žurnalistam publikacyju The Times. «Ja apranuŭ kaścium Aładzina i nakłaŭ hrym. Ja nie pavinien byŭ hetaha rabić», — skazaŭ Trudo.

Vydańnie raniej apublikavała zdymak, na jakim Triudo ź ciurbanam na hałavie, na tvary budučaha premjera hrym čornaha koleru. Paviedamlałasia, što zdymak byŭ zrobleny ŭ 2001 hodzie padčas tematyčnaj viečaryny «Arabskija nočy» ŭ škole West Point Grey Academy ŭ Vankuviery, dzie tady pracavaŭ 29-hadovy Trudo. Vydańnie piša, što zdymak byŭ apublikavany ŭ štohadovym numary časopisa škoły za 2000-2001 hady. Kopiju hetaha numara The Times atrymała tolki niadaŭna.

Na pytańnie žurnalistaŭ, ci ličyć jon fatahrafiju rasisckaj, Trudo adkazaŭ: «Tak, liču. Tady ja nie ličyŭ heta rasizmam, ale ciapier my stali bolš razumnymi».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?