Dvaich hramadzian šukajuć za napad na pradaŭca handlovaha punkta z sadavinoj kala prypynku hramadskaha transpartu «Vulica Siamionava», paviedamlaje milicyja.
Mužčyny 14 vieraśnia ŭziali z pryłaŭka kavun i pabiehli preč. Pradaviec kinułasia ŭ pahoniu. Addavać kavun jany nie pažadali — raźviŭsia kanflikt. Adzin ź fihurantaŭ niekalki razoŭ udaryŭ žančynu rukoj u tvar, paśla čaho abodva złamyśniki schavalisia.
Mužčynam kala 45-50 hadoŭ, ich rost 175-180 sm. Mažnyja, u ich karotkija sivyja vałasy. Na adnym byli biełaja majka, džynsy błakitnaha koleru i karyčnievy abutak. Na inšym — biełaja majka, błakitnyja džynsy, ciomna-šeraja kurtka i abutak śvietła-karyčnievaha koleru.
