Cana «šenhiena» dla biełarusaŭ źnizicca da 35 jeŭra praz dva miesiacy paśla zaklučeńnia pamiž Biełaruśsiu i Jeŭrasajuzam pahadnieńniaŭ ab spraščeńni vizavaha režymu i readmisii. Pra heta kanału ANT paviedamiŭ kiraŭnik pradstaŭnictva Jeŭrasajuza ŭ Biełarusi Dyrk Šubiel.
Adkazvajučy na pytańnie ab tym, kali šenhienskaja viza stanie dla biełarusaŭ tańniejšaj, Dyrk Šubiel padkreśliŭ, što kankretnuju datu pakul što nazvać nielha: «Z ustupleńniem u siłu abodvuch pahadnieńniaŭ, vizavy zbor źnizicca ź ciapierašnich 60 jeŭra da 35 jeŭra. Ja nie chacieŭ by nazyvać kankretnuju datu, ale zapeŭnivaju, što my ŭparta pracujem nad tym, kab heta adbyłosia».
Kiraŭnik pradstaŭnictva ES u Biełarusi nahadaŭ, što pieramovy pa pahadnieńniach ab spraščeńni vizavaha režymu i readmisii zaviaršylisia raniej sioleta, a ciapier abodva baki ažyćciaŭlajuć pracedury, jakija dazvolać padpisać hetyja dva pahadnieńni, jakija nabuduć moc praz dva miesiacy paśla zaklučeńnia.
