Pamior rasijski režysior Mark Zacharaŭ. Pra heta RBK paviedamili ŭ dyrekcyi teatra «Lenkam», dzie jon pracavaŭ mastackim kiraŭnikom.

Čas i miesca pachavańnia pakul što nieviadomyja. 20 žniŭnia Zacharava špitalizavali ŭ kliničnuju balnicu z padazreńniem na zapaleńnie lohkich. Akciora vypisali 9 vieraśnia.

Mark Zacharaŭ naradziŭsia ŭ 1933 hodzie ŭ Maskvie. Paśla zakančeńnia instytuta jon niekalki hadoŭ zajmaŭsia režysuraj u roznych maskoŭskich teatrach, a ŭ 1973 hodzie staŭ hałoŭnym režysioram Maskoŭskaha teatra imia Leninskaha kamsamoła.

Siarod jaho śpiektaklaŭ — «U śpisach nie značycca», «Junona i Avoś», «Paminalnaja malitva», «Karaleŭskija hulni».

Zacharaŭ prasłaviŭsia i jak kinarežysior, jaki stvaraŭ filmy ŭ tym liku pa tvorach Ryhora Horyna i Jaŭhiena Švarca, a taksama pa ŭłasnych scenaryjach. Samyja viadomyja jaho stužki — «Zvyčajny cud», «Toj samy Miunchhaŭzien», «Formuła kachańnia», «Zabić drakona», «12 kresłaŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0