president.gov.by

president.gov.by

Dla likvidacyi barjeraŭ na prastory Jeŭrazijskaha ekanamičnaha sajuza nieabchodna pryniać palityčnaje rašeńnie. Alaksandr Łukašenka zaklikaŭ da hetaha astatnija dziaržavy sajuza ŭ Jerevanie na pasiadžeńni Vyšejšaha Jeŭrazijskaha ekanamičnaha savieta ŭ šyrokim składzie, pieradaje BIEŁTA.

«Siońnia my nadzialili kamisiju paŭnamoctvami ŭ pytańniach markiroŭki tavaraŭ i nahladzie za ich rucham. JEEK pavinna harantavać, što hetyja prahresiŭnyja prapanovy nie abiernucca novymi pieraškodami ŭ handli. Barjeraŭ u sajuzie i tak dastatkova, - zaŭvažyŭ Alaksandr Łukašenka. - Asabliva naściarožvaje, kali jany ŭvodziacca ŭ takich adčuvalnych śfierach, jak, naprykład, dziaržzakupki. Pryjšoŭ čas kiraŭnikam dziaržaŭ razhledzieć nabalełuju temu i pryniać palityčnaje rašeńnie».

Mahčyma, ličyć jon, treba ŭzmacnić kampietencyju Jeŭrazijskaj ekanamičnaj kamisii i Suda JEAES.

U 2020 hodzie Biełaruś piarojmie staršynstva ŭ Jeŭrazijskim ekanamičnym sajuzie, jaje pradstaŭnik ŭznačalić Kalehiju JEEK. Alaksandr Łukašenka padkreśliŭ, što kraina rychtujecca da hetaha pieryjadu z usioj surjoznaściu.

 «JEAES - vielmi maładoje ŭtvareńnie U jaho raźvićcio treba ŭkłaści jašče šmat sił i srodkaŭ, kab nie paźniej za 2025 hod abo navat raniej stvaryć usioabdymny i efiektyŭny ekanamičny sajuz, pabudavać adzinyja rynki, sfarmavać adzinyja halinovyja palityki i realizavać pałažeńni Dahavora ab JEAES», - reziumavaŭ kiraŭnik dziaržavy

Клас
0
Панылы сорам
0
Ха-ха
0
Ого
0
Сумна
0
Абуральна
0