Biełstat staŭ rassyłać SMS ab pačatku pierapisu, jaki projdzie ŭ Biełarusi z 4 pa 30 kastryčnika. Usiaho napiaredadni i padčas pierapisu kožny abanient atrymaje ad statystykaŭ čatyry paviedamleńni, paviedamlaje Tut.by

Čytačy paviedamlajuć, što jany stali atrymlivać SMS ad Biełstata. U paviedamleńni ludziej zaprašajuć pryniać udzieł u pierapisie nasielnictva.

Na praciahu 1-2 kastryčnika takija pasłańni pryjduć na mabilnyja ŭsich žycharoŭ krainy.

Krychu paźniej usim, chto atrymaŭ pieršaje SMS, pryjdzie druhoje. U im budzie paznačany adras internet-pierapisu. Kliknuŭšy na jaho, čałaviek zmoža zajści na sajt pa pierapisie.

Na hetym paviedamleńni ad Biełstata nie skončacca.

— 18 kastryčnika ludziam pryjdzie napamin, što zaviaršajecca internet-pierapis, - uvodzić u kurs spravy Taćciana Łapkoŭskaja, pres-sakratar Biełstata. — I 30-ha, što zakančvajecca pierapis.

Z-za taho, što atrymalnikaŭ vielmi šmat, usie SMS, tłumačać u Biełstacie, buduć prychodzić na praciahu adnaho-dvuch dzion.

Nahadajem, pierapis nasielnictva projdzie ŭ Biełarusi z 4 pa 30 kastryčnika. Respandentam prapanujuć adkazać na 49 pytańniaŭ, u tym liku ab adukacyi, krynicach srodkaŭ da isnavańnia, zaniataści, kolkaści dziaciej, žyllovych umovach.

Pierapisacca možna budzie praź internet, na stacyjanarnych učastkach, u siabie doma padčas vusnaha apytańnia pierapisčyka. Taho, chto da 18 kastryčnika zapoŭnić ankietu pa internecie, vydalać ź śpisaŭ, i pierapisčyki da ich nie pryjduć (jany pačnuć pracavać z 21 kastryčnika).

Клас
0
Панылы сорам
0
Ха-ха
0
Ого
0
Сумна
0
Абуральна
0