Lidar «Nacyjanalnaha korpusa», nacyjanalist Andrej Bilecki zajaviŭ, što patryjoty i vieterany abviaščajuć biesterminovuju akcyju pratestu z-za ŭzhadnieńnia formuły Štajnmajera, paviedamlaje Ukrajinśka pravda.

«Zialenski zdradziŭ 16 000 ukraincaŭ, što zahinuli na froncie. My, patryjoty, vieterany, abjaŭlajem biesterminovuju akcyju. My źviartajemsia da ŭsich ukraincaŭ vychodzić siońnia na Bankavuju [rezidencyja prezidenta Ukrainy — Red.], kab pakazać hetaj uładzie: my takija ž, jakija byli 5 hadoŭ tamu, u nas jość ułasnaja hodnaść, u nas jość pačućcio honaru i my hatovyja zmahacca za našu krainu», — zajaviŭ jon.

1 kastryčnika prezident Ukrainy Uładzimir Zialenski zajaviŭ, što Ukraina ŭzhadniła tekst formuły Štajnmajera, jakaja ŭvojdzie ŭ novy zakon pra status Danbasa.

Kala rezidencyi ŭkrainskaha prezidenta na vulicy Bankavaj u Kijevie mitynhujuć niekalki sotniaŭ nacyjanalistaŭ.

Prysutnyja vykrykvajuć: «Nie kapitulacyi!». U vystupach adznačajuć, što akcyja papieradžalnaja, i nie vyklučajuć, što zaŭtra pryjduć pad Viarchoŭnuju Radu.

Клас
0
Панылы сорам
0
Ха-ха
0
Ого
0
Сумна
0
Абуральна
0